Irlande: Uruvunganzoka rw’abantu mu guherekeza mu cyubahiro Sinéad O’Connor (Amafoto)
Ku wa Kabiri, tariki 8 Kanama 2023, ni bwo habaye umuhango wo guherekeza mu cyubahiro Sinéad O’Connor, igikorwa cyitabiriwe n’abatari bake bari buzuye mu mihanda yo mu Mujyi wa Bray aho yari amaze imyaka 15 atuye.
Uretse imihanda yari yuzuye abifuzaga gusezera bwa nyuma kuri uyu muhanzikazi, benshi mu bakunzi be bajyanye indabyo n’inyandiko zimushimira aho yari amaze icyo gihe atuye.
Mu mpera za Nyakanga 2023 ni bwo muri Irlande havuzwe inkuru y’urupfu rw’umuhanzikazi Sinéad O’Connor wamamariye mu ndirimbo nka “Nothing Compares 2 U”.
Sinéad O’Connor asize abana bane barimo Jake Reynolds, Roisin Waters na Yeshua Bonadio.
Uyu muhanzikazi asize album 10, aho iya mbere yayikoze mu 1987 ayita “Lion And The Cobra” ikaba imwe mu zakunzwe cyane mu Bwongereza na Leta Zunze Ubumwe za Amerika.
Iyi yakurikiwe na “I Do Not Want What I Haven’t Got” yo mu 1990 iriho indirimbo yatumye yamamara cyane ku Isi “Nothing Compares 2 U” yandikiwe na Prince.
Kathryn Ferguson utunganya filime yatangarije BBC Radio 4 ko yari amaze iminsi mike avuganye na Sinéad O’Connor baganira kuri filime mbarankuru igaruka ku buzima bwe.
What's Your Reaction?
