TUMENYE IBIMERA BIRYA INYAMA

Ibimera birya inyama (bita carnivorous plants) ni ibimera byihariye bifata udukoko cyangwa izindi nyamaswa nto bikazirya kugirango byuzuze intungamubiri (cyane cyane nitrogen) bibura mu butaka bikuriramo.

Uko bikora:

Ibimera byinshi bikura mu butaka bukennye cyane, bityo bikifashisha gufata udukoko:

Bikoresha amavuta akurura udukoko (impumuro cyangwa ibara) 

Bigira imitego (traps) itandukanye ifata inyamaswa 

Hanyuma bikarekura imyunyu (enzymes) igogora ibyo byafashe 

Bifata udukoko binyuze mu mitego itandukanye (nko gufunga, gufata mu mazi, gufata ku mavuta, n’ibindi) 

Akenshi bikurira mu butaka bukennye cyane (nk’ibishanga)

Hari amoko arenga 600–700 ku isi 

Amoko azwi cyane:

Ibimera bizi Gufunga vuba (snap trap)

Urugero: Venus flytrap

Ifite ibice bisa n’umunwa , Iyo isazi cyangwa akandi gasimba gakandagiye ku dusatsi twayo (sensors),ihita ifunga mu masegonda make cyane, hanyuma igatangira kugogora ako gasimba 

Ni kimwe mu bimera byihuta cyane ku isi.

Ibimera bifite umutego umeze nk’igikombe (pitfall trap)

Urugero: Pitcher Plant

Ifite igikombe kirimo amazi cyangwa umuti utembana udukoko 

Udukoko dukururwa n’impumuro nziza y’iki kimera, ariko iyo twinjiyemo imbere, ntitubasha gusohoka kuko hanyerera, tugwamo tugapfa, igihingwa kikadukoresha nk’ifumbire 

Ibimera bifata udusimba bikoresheje amavuta (sticky trap)

Urugero: Sundew

Ifite utuntu tumeze nk’utwatsi turiho utuntu twaka (nk’ibitonyanga by’amazi) ,ibyo ni amatembabuzi afata udukoko, iyo agasimba gasimbutseho, karafatwa kakabura uko kagenda, hanyuma igihingwa kikakanyunguta buhoro buhoro 

Ibimera bigira umutego wihuse mu mazi (suction trap)

Urugero: Bladderwort

Iba mu mazi 

Ifite udufuka duto twinjiza udukoko mu kanya gato cyane 

Iyo akanyamasyo gato kegereye, gahita gakuurwa mu mazi kakinjira mu gifuka kikakamira

Icy’ingenzi kumenya

Ibi bimera ntibifata udukoko ku bw’amafuti kuko bifite imitego yihariye cyane 

Bifata udukoko kugira ngo bibone intungamubiri bibura mu butaka 

Buri bwoko bufite uburyo bwabwo bwihariye bwo gufata no kugogora

Ibyo bikunze kurya

Isazi 

Udusimba duto tuguruka 

Imibu 

Udusimba tuba mu mazi (ku bimera byo mu mazi) 

Ibi ni byo byoroshye gufatwa no kugogorwa.

Ese bishobora kurya imbeba?

Mu bihe bidasanzwe cyane, hari ibimera binini bishobora gufata inyamaswa nini kurushaho, 

Urugero: Nepenthes 

Ibi bimera bigira “ibikombe” binini cyane 

Hari aho byigeze kubonekamo: udukoko twinshi ,utunyoni duto, rimwe na rimwe n’imbeba nto cyane ,Ariko ibi ntibikunze kubaho.

Impamvu bidakunze kurya inyamaswa nini:

Imitego yabyo iba ito cyane 

Ntabwo bifite imbaraga zo gufata inyamaswa nini 

Bigenewe cyane udukoko duto kuko ari two tuboneka tukanafatwa byoroshye.

Ntibirya inyamaswa nini cyangwa abantu.

=====