Urubanza ruregwamo KJohn na Pazzo Man rwasubitswe
Urukiko rw'Ibanze rwa Kicukiro rwasubitse urubanza ruregwamo Ishimwe Patrick uzwi nka Pazzo Man na Kalisa John uzwi nka Kjohn, bakurikiranweho gusakaza amashusho ya Yampano.
Aba bombi baburanye batunganiwe mu gihe ubushinjacyaha bwo bwari buhagarariwe.
Ishimwe Patrick (Pazzo Man) yagaragaje ko yatinze kubona dosiye kandi akaba akeneye umwunganira mu mategeko. Kjohn we wari witeguye kuburana, gusa ubushinjacyaha busobanura ko dosiye ye ari kimwe n'iya mugenzi we.
Pazzo Man asohoka mu modoka y'Urwego rw'Ubugenzacyaha (RIB) yumvikanye avuga ko batunguwe n'urubanza kuko ngo babimenyeshejwe mu ijoro ryakeye.
Nyuma yo kugaragaza ko ibyo bakurikiranyweho ari bimwe byanzuwe bazaburanira rimwe. Urukiko rwashyize iburanisha ry'uru rubanza kuri 04 Ukuboza 2025.
Umuhanzi Yampano wari witabiriye urubanza yaje ku rukiko ubona ko adashaka kugaragara cyane ko yari yambaye agapfukamunwa ndetse adashaka kugira icyo yavugana n'itangazamakuru.
What's Your Reaction?
