Polisi y’u Rwanda yemeje itabwa muri yombi rya DJ Toxxyk
Nyuma y'amasaha macye bivugwa ko DJ Toxxyk yatawe muri yombi nyuma yo kugonga umupolisi agahita apfa, Polisi y’u Rwanda yamaze kwemeza ko aya makuru ari ukuri.
Iyi mpanuka yanahitanye ubuzima bw'uyu mupolisi wari mu kazi, yabaye mu rukerera rwo ku wa 20 Ukuboza 2025. Ishimwe Arnold uzwi nka DJ Toxxyk yaje gushaka gucika, gusa aza gufatirwa mu Karere ka Karongi.
Umuvugizi wa Polisi y’u Rwanda, ACP Rutikanga Boniface aganira na IGIHE, yayihamirije ko Toxxyk yafashwe ku gicamunsi cyo ku wa Gatandatu nyuma y'uko yari yabanje kubura.
Yagize ati "Afungiye kuri Sitasiyo ya Polisi ya Remera. Yafashwe mu gicamunsi, kuko yabanje kubura. Yafashwe ageze i Karongi, aho yari agiye ntiturahamenya."
Uyu muvugizi kandi yakomeje agaragaza ko mu iperereza bakoze basanze DJ Toxxyk yari yanyweye ibisindisha.
What's Your Reaction?
