Kubera iki Camarade ari gukubita ahababaza amakipe manini?
Umutoza wa Bugesera FC, Banamwama Camarade akomeje gutsinda amakipe manini muri shampiyona y'u Rwanda umusubirizo.
Kuri ubu inkuru iri kuvugwa cyane muri shampiyona y'icyiciro cya mbere mu Rwanda, ni ugutsindwa kwa mbere kuri Police FC muri uyu mwaka w'imikino 2025/2026.
Iyi kipe yari imaze iminsi yitwara neza ku buryo bamwe batatinyaga kuvuga ko ari cyo gihe ngo ibe yanatwara shampiyona ku nshuro ya mbere, yakozwe mu jisho na Bugesera y'umutoza Banamwama Camarade, iyitsinda igitego 1-0.
Si Police FC gusa kandi kuko Bugesera FC yanabimburiye amakipe yo mu Rwanda gutsinda ayo muri Sudan yiyongereye muri shampiyona. Ku wa 27 Ugushyingo 2025, Bugesera FC yatsinze EL Merrikh igitego 1-0, iba ikipe ya mbere yo Rwanda itsinze imwe muri ibi bigugu byo muri Sudan.
Camarade na Bugesera ye kandi bongeye gutsinda ibitego 2-1 Rayon Sports yari yarahiriye kwihorera maze yongera gutsindirwa aho yaburiye igikombe mu mwaka ushize w'imikino.
Uyu mutoza waragijwe Bugesera FC iri mu bihe bibi, ubwo yaganiraga na B&B Kigali FM, yigeze kuvuga ko impamvu iri gutuma agera ku makipe manini akayakubita ahababaza ari uko ashaka ko abona ubushobozi bwe akazamuha n'akazi.
Bugesera FC niyo yatsinze bwa mbere ikipe yo muri Sudan muri shampiyona y'u Rwanda
What's Your Reaction?
