Al Hilal yatsinze MC Alger mu mukino wasojwe barwana
Al Hilal SC itsinze USM Alger ibitego 2-1 mu mukino wa mbere w'amatsinda ya CAF Champions League wabereye i Kigali mu Rwanda. Ni umukino wabaye kuri uyu wa Gatanu tariki 21 Ugushyingo 2025, ubera kuri Sitade Amahoro ndetse ukaba uwa mbere wo mu matsinda ya CAF Champions League ubereye mu Rwanda.
Mu minota ine y'inyongera y'igice cya mbere ikipe ya Al Hilal Omdurman yaje kubona amahirwe yo gutsinda igitego biza no kugenda neza kuko yatsinze igitego cya mbere ku munota wa 47.
Igice cya mbere cyaje kurangira ikipe ya AL Hilal iri imbere n'igitego 1-0. Ni igice Al Hilal yarushije cyane USM Alger ku buryo wabonaga isaha n'isaha igitego kiri buze kuboneka nkuko byagenze.
Ku munota wa 53' MC Alger yabonye igitego cyo kwishyura ku mupira watewe mu izamu na Musatafa Mohammed wa Al Hilal. Ku munota wa 75, ikipe ya Al Hilal Omdurman yatsinze igitego cya kabiri gitsinzwe na Mohamed Yakub Abderhman Yousif.
Al Hilal yakinanaga ishyaka cyane ku munota wa 87 yabonye ikarita y'umutuku nyuma y'ikosa rikomeye ryakozwe na Salah Eldin Ahmed Al Hassan wahawe ikaritra ya kabiri y'umuhondo ahita akurwa mu kibuga.
Umukino warangiye ikipe ya Al Hilal ibonye intsinzi y'ibitego 2-1, gusa nyuma y'umukino haboneka imvururu nyinshi kuko abakinnyi ba Al Hilal SC barwanye cyane n'aba MC Alger kugeza Police yitabajwe igahosha.
What's Your Reaction?
