Umutaliyani Lorenzo Finn yandikiye amateka i Kigali
Kuri uyu wa Gatanu tariki 26 Nzeri 2025, mu masaha y'igicamunsi ni bwo hakinwaga Shampiyona y’Isi y’Amagare, hasiganwa abatarengeje imyaka 23 mu bagabo.
Umutaliyani Finn Lorenzo w'imyaka 18, ni watsinze iri siganwa akoresha amasaha atatu, iminota 57 n'amasegonda 27 ku ntera y'ibilometero 164. 6.
Lorenzo yegukanye umudali wa zahabu muri iki cyiciro cy'abatarengeje imyaka 23 mu bagabo, muri Shampiyona y'Isi y'Amagare iri kubera i Kigali, asiga anahakoreye amateka mashya.
Uyu musore w'imyaka 18 y'amavuko, yegukanye uyu mudali wa zahabu wiyongera ku wo yatwaye mu isiganwa ry'abatarengeje imyaka 19 rya Shampiyona y'Isi y'Amagare yaberaga i Zurich mu Busuwisi mu 2024.
Muri iyi Shampiyona iri gukinwa i Kigali mu Rwanda, Lorenzo yakurikiwe n'Umusuwisi Huber Jan amusize amasegonda 31, we yegukana umudali wa Feza. Umudali w'Umuringa wegukanywe n'Umunya-Autriche, Schrettl Marco, wasizwe umunota n'amasegonda 13, nyuma yo kuza ku mwanya wa Gatatu.
Finn Lorenzo yegukanye umudali wa Zahabu inshuro ebyiri yikurikiranya
What's Your Reaction?
