Kanye West yasohoye indirimbo "Bianca" ahamya ko yasizwe n'umugore

Kanye West uri mu baraperi bakomeye muri Leta Zunze Ubumwe z'Amerika yashyize avuga ku itandukana rye n'umugore we, Bianca Censori, abicishije mu ndirimbo yamwitiriye, ahamya ko yamusize.

Amagambo Kanye West yavugiye muri iyo ndirimbo agaragaza ko ari wenyine.

Yagize ati: Umukunzi wanjye yaransize. Bwa mbere yanshinje uburwayi bwo mu mutwe ngo njye kwivuza ariko naramutsembeye, nanga kujya kwivuza kuko numva ntarwaye."

"Ubu sinzi iyo aherereye, ndimo ndagerageza kumushakisha mu buryo bw'ikoranabuhanga, namushakiye kandi mu mujyi, ndaheba."

Ibitangazamakuru birimo TMZ byatangaje ko Bianca yarebye imyitwarire ya Kanye West atekereza ko arwaye mu mutwe, ku bw’ibyo yaramutaye arigendera. Yavuye mu rugo ari muri imwe mu modoka za Kanye West izwi nka "Maybach."

Ibyo biri kuvugwa nyuma yuko bavuzweho ko batandukanye nyuma yo kuva mu birori by'itangwa ry'ibihembo bya Grammy byatangiwe muri Crypto. Com Arena i Los Angeles ku wa 02 Gashyantare 2025.

Bianca ari kumwe na Kanye West, yahandikiye amateka kuko yatunguranye yiyambura ikoti yari yambaye asigara yambaye ubusa ku itapi itukura. Nyuma yo kw'ifotoza bahise bagaragara bataha bahitira ahandi mu kabari bahasangirira n'abari bahari.

Kanye West ari kuririra mu myotsi nyuma yo kubura umugore we, Bianca Censori