Joe Biden yavuze ko atatunguwe no gutsindwa k’uwo yatumye, Kamala Harris

Joe Biden wahoze ari Perezida wa Leta Zunze Ubumwe z'Amerika yavuze ko atatunguwe no kuba Visi Perezida Kamala Harris yaratsinzwe na Perezida Donald Trump kuko uwo wahoze ari Visi Perezida yaratsindishijwe no kuba ari umwiraburakazi. Joe Biden ahamya ko Trump atari kumutsinda kuko n'ubundi ubwa mbere yari yamutsinze.

Mu kiganiro "The View" Joe Biden yagiranye na televiziyo, ABC Network, yabajijwe ku gutsinda kwa Kamala Harris ku mwanya w'umukuru w'igihugu, asubiza ko atatunguwe kubera ko Perezida Donald Trump yifashishije inzira y’irondaruhu anaca abantu intege ko umugore atayobora igihugu.

Yagize ati:"Sinigeze ntungurwa no gutsindwa kwe kubera ko bamuzizaga kuba ari umugore n’irondaruhu bituma batamutora. Nubwo yatsinzwe yarabikwiye kuko ni umuyobozi mwiza."

Joe Biden w'imyaka 82 aracyatsimbaraye avuga ko yahaye umwanya uwari Visi Perezida we, Kamala Harris aratsindwa ariko yumva yari gutsinda ayo matora.

Trump yatsinze Kamala Harris mu matora y'umukuru w'igihugu yabaye mu Ugushyingo 2024, arahirira kuyobora Amerika muri Mutarama 2025.

Kuri Joe Bideng bamubajije icyo yavuga ku bamunenga bavuga ko ashaje bikaba byaragize ingaruka ku mitekerereze ye, we avuga ko ameze neza.

Ati:"Ababivuga nta makuru bafite baba bari kubeshya.”

"Ababivuze/ Ababivuga ntabwo twari kumwe nta nubwo tuba turi kumwe, abo rero baba babeshya kuko ntibazi uko meze. Njye meze neza."

Nubwo avuga ibyo, ibibazo mu by'imitekerereze n'izabukuru byatumye akorana na Donald Trump ikiganiro cya mbere cy' ihangana cyiri mu byabanjirije amatora mu mpeshyi ya 2024, Joe Biden yagaragayemo avuga ibitajyanye bituma bamusaba guharira uwari Visi Perezida we, Kamala Harris ngo abe ari we uhatana, none na we byarangiye akubiswe inshuro na Trump.