Impamvu Perezida wa Burkina Faso, Capt Ibrahim Traore yiyamye abatinganyi
Perezida wa Burkina Faso, Captain Ibrahim Traore yafashe umwanzuro wo kwamaganira kure abatinganyi, ategeka ko uzafatirwa mu butinganyi azahanwa by'umwihariko.
Umusirikare Captain Ibrahim Traore wafashe igihugu cya Burkina Faso mu Ukwakira kwa 2022 akazana amavugurura mu gihugu arimo kwirukana ingabo zo mu bihugu by'U Burayi nk'U Bufaransa zabarizwaga ku butaka bw'icyo gihugu, yatanze ibwiriza ko ubutinganyi butemewe mu gihugu cye, yongeraho ko uzabwijandikamo azabihanirwa.
Perezida w'icyo gihugu cya Burkina Faso giherereye mu Burengerazuba bw'Afurika, Ibrahim Traore yunze mu ry'ibindi bihugu nka Uganda byanga umuco w'abasambana cyangwa se babana n'abo bahuje ibitsina [abatinganyi], avuga ko ku mugaragaro bubujijwe muri Burkina Faso.
Yagize ati:"Ubutinganyi ntibwemewe hano muri Burkina Faso. Umuntu uzafatwa ari umutinganyi azabihanirwa n'amategeko kubera ko uwo muco w'ubutinganyi urwanya umuco w'Afurika, bityo ubifatiwemo ntakwiye kubabarirwa."
Captain Ibrahim Traore yakanguriye abaturage be ba Burkina Faso n'abo muri Afurika muri rusange kurwanya umuco w'ubutinganyi kuko atari mwiza habe na gato.
Bizwi ko ubutinganyi bufite igitereko muri Leta Zunze Ubumwe z'Amerika ariko Perezida w'icyo gihugu, Donald Trump wongeye kurahirira kuyobora Amerika mu ntangiriro za 2025, yiyemeje kurimbura burundu ubutinganyi muri icyo gihugu. Bamwe mu batinganyi barahunze, urugero ni Ellen DeGeneres wajyanye n'uwo babana, Portia De Rossi bajya kwibera mu Bwami bw'U Bwongereza.
What's Your Reaction?
