Eric Omondi yegeranyije amafaranga arenga miliyoni 8 RWF ahabwa utishoboye
Umunyarwenya wo muri Kenya, Eric Omondi yagaragaje ko yakoze ubukangurambaga bwo gufasha umugore waburiye abana be ayo kwishyura ishuri, hegeranywa arenga miliyoni 8 RWF.
Eric Omondi umaze kubaka izina mu ruganda rwo gutera urwenya mu Karere k'Afurika y'i Burasirazuba no muri Afurika yashyize hanze amashusho ahamya ko yashyikirije imfashanyo umugore wabuze amafaranga yo kwishyura ishuri ry’abuzukuru be.
Uyu munyarwenya yashyize ku mbuga nkoranyambaga amashusho amugaragaza yakirana urugwiro umugore bivugwa ko ari uwo mu gace ka Homa Bay muri Kenya.
Ni umugore uherutse kugaragara mu mashusho afite inkoko nzima yaherekeje ku ishuri abuzukuru be birukanywe kubera kubura amafaranga y'ishuri.
Byahishuwe ko yarafitiye ikigo umwenda ungana n'ibihumbi 245KSH (Amashilingi ya Kenya).
Eric Omondi yumvise ikibazo cye atangiza ubukangurambaga bwo kumwegeranyiriza imfashanyo. Yasaruyemo amafaranga menshi none yatumiye uwo mugore amwereka ibihumbi 800 KSH aya angana na miliyoni 8, 866,135RWF.
Uwo munyarwenya yasobanuye ko ibihumbi 600KSH byahawe ishuri hishyurwa umwenda, andi akomeza gufasha uwo mwana kwiga, andi yabikijwe kuri banki.
What's Your Reaction?
