Djihad na Pazzo Man bakatiwe iminsi 30 y'agateganyo naho KJohn ararekurwa
Urukiko rw'ibanze rwa Kicukiro rwategetse ko Uzabakiriho Cyprien uzwi nka Djihad, Ishimwe François Xavier, Ishimwe Patrick uzwi nka Pazzo Man na Kwizera Nestor uzwi nka Pappy Nesta, bafungwa iminsi 30 y'agateganyo naho Kalisa John uzwi nka Kjohn ararekurwa.
Ibi ni ibyavuye mu isomwa ry'umwanzuro w'urubanza aba bose baregwagamo, ryabaye kuri uyu wa Gatatu tariki 17 Ukuboza 2025.
Aba bose bari bakurikiranweho gusakaza amashusho ya Yampano, hanyuma umwanzuro utegeka ko Djihad, Pazzo Man, Ishimwe François Xavier na Kwizera Nestor bafungwa iminsi 30 y'agateganyo bitewe n'uko hari ibyagezweho bihagije mu iperereza bakozweho.
Kalisa John uzwi nka Kjohn na we wari uri muri iyi dosiye umwanzuro w'urukiko wategetse ko arekurwa, ndetse nk'uko uyu mwanzuro wabivugaga, ibyarimo byose byahise biba itegeko kuva igihe yasomewe.
KJohn yarekuwe
What's Your Reaction?
