Weasel yakomoje ku mpamvu ashaka gusiga Chameleone muri Amerika
Umuhanzi wo mu gihugu cya Uganda, Weasel Manizo yasabye umukunzi wa Jose Chameleone, Zawedde kumwishyurira itike akitahira muri Uganda kubera akumbuye umugore we, Teta Sandra.
Weasel Manizo wakunzwe mu itsinda rya GoodLyfe akaba ari umuvandimwe wa Jose Chameleone, yumvikanye avuga ko ashaka itike ngo amusige muri Amerika kubera yikumburiye umugore n'abana.
Mu mashusho yakwirakwijwe ku mbuga nkoranyambaga, yumvikanamo Weasel Manizo asaba Juliet Zawedde kumubarira akamwishyurira itike y'indege yamukura muri Amerika ikamugeza muri Uganda.
Uyu mugabo ufite umugore w'Umunyarwandakazi, Teta Sandra, yahishuye ko we n'abana bari mu mpamvu zigiye kuzamugarura huti huti mu gihugu cye.
Ikindi yagaragaje ni impungenge ko uwo mugore we yarambirwa agatwarwa n'abandi bagabo, akazaririra mu myotsi.
Weasel yakomeje avuga ko mu by'ukuri arambiwe ubuzima bwo muri Amerika butandukanye n'ubwo muri Uganda. Ahamya ko Jose Chameleone na Bushoke bazi ubuzima bwaho kubera ko Zawedde yabajyanagayo kuhahira ibirimo imyambaro.
Mu mpera z' umwaka ushize wa 2024 nibwo Jose Chameleone yagiye kwivuriza muri Amerika aherekezwa n'abarimo Weasel Manizo na Juliet Zawedde. Aherutse gushimira Imana ko yabashije koroherwa.
What's Your Reaction?
