Uwahoze ari umukunzi wa Burna Boy yavuze urwo amukunda
Umuhanzikazi Stefflon Don ufite inkomoko mu gihugu cya Jamaica, ariko asigaye akorera umuziki we mu gihugu cy'U Bwongereza, yavuze ko nubwo yatandukanye na Burna Boy, akimukunda cyane.
Stephanie Allen uzwi mu muziki nka Stefflon Don wabanye mu nzu imwe na Damini Ogulu wamenyekanye mu muziki nka Burna Boy, ariko nyuma bakaza gutandukana, yavuze ko ari urukundo rwe rw'ubuzima bwe bwose.
Ibyo Stefflon Don yabihishuriye mu kiganiro 'Real Talk' yakoreye mu gihugu cy'U Buholandi, agikorana n'uwitwa Fernando Halman. Ni ikiganiro cyasohotse ku wa 13 Nyakanga 2024.
Muri icyo kiganiro, yabajijwe niba uwahoze ari umukunzi we, Burna Boy, yaba agifite umwanya mu mutima we, na we adaciye ku ruhande, yahise yemeza ko ari umukunzi we ubuziraherezo.
Yagize ati:"Yego ndamukunda. Ndamutekereza nkibuka ibyo twacanyemo, ndacyamukunda. Ndumva urukundo mufitiye rugikomeje; mukunda ibihe byose."
Uko iminota y'ikiganiro yagendana yicuma, Stefflon Don yagiye ahishura ko ari mu rukundo n'undi musore, gusa ntiyigeze avuga uwo ari we.
Uwamubazaga agarutse ku byavuzwe ko yaba agiye gusubirana ndetse agakorana ubukwe na Burna Boy, abandi bakavuga ko hari undi musore bagiye gukora ubukwe, yavuze ko ibyo biramutse bibaye, yareka Isi yose ikabimenya. Mu by'ukuri, ntabwo biraba.
Stefflon Don yavuze ko nyuma yo gutandukana na Burna Boy, yumvise yiyemerera (Burna Boy) ko indirimbo yitwa 'Last Last' yayanditse ayimwandikiye.
Burna Boy na Stefflon Don batandukanye mu myaka itatu itambutse. Ni ibintu byababaje abafana babo batasibaga guca ku mbuga nkoranyambaga bavuga ko abo bombi baberanye.
What's Your Reaction?
