Uko umuraperi Mr Cam'ron yatsinzwe n'urubuga rwa ChatGPT

Cameron Giles uzwi mu muziki wa Leta Zunze Ubumwe z'Amerika nka Mr Cam'ron yanyarukiye ku rubuga rwa X yihamiriza ko yashatse kwipima ku rubuga rwa ChatGPT ngo bahanganire mu mirongo (rap battle) ruramutsinda.

Mu rukurikirane rw' ubutumwa yatambukije bugaragaza ko ari we wayishotoye ashaka guhangana na yo (ChatGPT) imubwira ko yiteguye kumutsinda. 

Ni ko byagenze. Byarangiye yemeye kuko rwamusutseho imirongo ararekera, yemera ko atsinzwe.

Yagize ati:"Nahanganye n'urubuga rwa ChatGPT mu rugamba rwa rap, ndatsindwa. Yansubizaga mu buryo bwihuse. Impa imirongo myinshi birangira nemeye ko ntsinzwe."

Urwo rubuga rwa ChatGPT rwamukubise inshuro ni urubuga nkoranabuhanga umuntu asanga kuri interineti yarwinjiramo akarubaza ikintu runaka na rwo rukamubwira ibisubizo.