Ukoresha TikTok yiciwe kuri live
Umukobwa wo muri Mexico witwa Valeria Maquez yarashwe ari mu kiganiro n'abakunzi be kuri TikTok birangira yitabye Imana.
Valeria Maquez wari ufite imyaka 23 yatunguwe no kubona abagabo babiri baje kuri moto bagera aho yari muri salo iwe i Zapopan ho mu gace ka Guadalajara muri Mexico ari mu kiganiro kuri TikTok (TikTok live) umwe aramurasa yikubita hasi ahita yitaba Imana.
Uyu mukobwa wari umenyerewe mu kwamamaza ibirungo by'ubwiza no gukora amashusho yo ku mbuga nkoranyambaga yatewe n'abo bagabo babanza kumuhamagara mu izina, abari bamukurikiye babona aburiwe irengero. We yahise araswa n'umwe muri bo utaramenyekana dore ko bose bahise burira moto barahunga.
The New York Times yanditse ko umurambo we bawusanze mu ntebe yari yicayemo acigatiye igipupe yarafite mbere yo kwicwa.
Ibiro by'umushinjacyaha byatangaje ko batarafata abo bagizi ba nabi ariko bakomeje gukora isesengura ku mashusho ari ku mbuga nkoranyambaga mu rwego rwo gushaka abo bicanyi, ngo hanamenyekane icyihishe inyuma y'uwo mugambi mubisha.
What's Your Reaction?
