UCL Final 2026: PSG vs. Arsenal, amakuru ahari, inzira zaciwemo ndetse n'uhabwa amahirwe

Uyu mukino urabera muri Stade Puskás Aréna i Budapest muri Hungary, aho PSG ishaka kwisubiza igikombe yatwaye umwaka ushize, mu gihe Arsenal ishaka kwandika amateka yo kwegukana iri rushanwa ku nshuro yayo ya mbere.

PSG yageze ku mukino wa nyuma nyuma yo gusezerera Bayern Munich mu mikino ya ½, mu gihe Arsenal yasezereye Atlético Madrid nyuma yo kubanza gukuramo Bayer Leverkusen na Sporting CP.

Aya makipe yombi yari yaranahuriye muri ½ cya Champions League umwaka ushize, PSG ikomeza ku giteranyo cy'ibitego 3-1.

Muri rusange, amateka agaragaza ko Arsenal yagiranye imikino myinshi igoye na PSG, nubwo iyi kipe yo mu Bufaransa ari yo yegukanye intsinzi ebyiri ziheruka.

Abasesenguzi benshi bahaye amahirwe PSG kubera uburyo ikomeje kwitwara neza mu busatirizi.

INDI NKURU WASOMA :Super Manager agiye kujurira nyuma yo kutishimira umwanzuro mu rubanza yarezemo MTN

Abakinnyi barimo Ousmane Dembélé, Désiré Doué na Khvicha Kvaratskhelia bakomeje kuba inkingi za mwamba muri iyi kipe ya Luis Enrique.

Ku ruhande rwa Arsenal, umutoza Mikel Arteta arishingikiriza ku bakinnyi b’ingenzi barimo Bukayo Saka, Martin Ødegaard, Declan Rice ndetse na Kai Havertz mu gushaka guhagarika ubukana bwa PSG.

IMIKINO 5 IHERUKA KU MPANDE ZOMBI MU MARUSHANWA YOSE

Arsenal 

• Crystal Palace 1-2 Arsenal (Premier League)
• Arsenal 1-0 Burnley (Premier League)
• West Ham United 0-1 Arsenal (Premier League)
• Arsenal 1-0 Atletico Madrid (UEFA Champions League)
• Arsenal 3-0 Fulham (Premier League)
• 

PSG 

• Paris 2-1 Paris Saint-Germain (Ligue 1)
• Lens 0-2 Paris Saint-Germain (Ligue 1)
• Paris Saint-Germain 1-0 Stade Brest (Ligue 1)
• Bayern Munich 1-1 Paris Saint-Germain (UEFA Champions League)
• Paris Saint-Germain 2-2 Lorient (Ligue 1)

Kvaratskhelia ni umwe mu bakinnyi bari guhabwa amahirwe yo kwitwara neza muri uyu mukino, dore ko amaze kugira uruhare rutaziguye mu bitego 16 muri Champions League y’uyu mwaka, aho yatsinze 10 anatanga imipira itandatu yavuyemo ibitego.

PSG ishobora kubanza mu kibuga ifite Safonov mu izamu, Hakimi, Marquinhos, Pacho na Mendes mu bwugarizi, mu gihe Vitinha, Neves na Zaïre-Emery bazakina hagati. Mu busatirizi hitezwe Doué, Dembélé na Kvaratskhelia.

Arsenal na yo ishobora kubanza ifite Raya mu izamu, Timber, Saliba, Gabriel na Hincapié mu bwugarizi, naho Ødegaard, Zubimendi na Rice bakine hagati. Saka, Havertz na Trossard ni bo bashobora kuyobora ubusatirizi.

Uyu mukino uratangira saa Kumi n’Imwe z’umugoroba ku isaha ya saa kumi n'ebyiri.

Score Prediction: PSG 2-0 Arsenal