Ibihugu 18 bimaze kubona itike y'igikombe cy'Isi cya 2026

Ibihugu 48 nibyo bizitabira iyi imikino y'igikombe cy'Isi kizaba gikinwa ku nshuro ya 23 kuva cyatangira mu 1930. Kuri iyi nshuro mu 2026 iri rushanwa rya mbere mu mupira w’amaguru, rizabera mu bihugu bitatu; Leta Zunze Ubumwe za Amerika, Canada na Mexico kuva tariki 11 Kamena kugeza 19 Nyakanga 2026. 

Mu minsi ya mbere Nzeri 2025, ku migabane yose y'Isi hakinwaga imikino itandukanye y'ibihugu hashakwa itike yo kwitabira igikombe cy'Isi cya 2026. 

Iyi mikino isize ibihugu bigera kuri 18 bibonye iyi tike bidasubirwaho, ibi bikaba birimo bitatu bizakira; Leta Zunze Ubumwe za Amerika, Canada na Mexico. Ibi bihugu kandi birimo bibiri byo ku mugabane wa Afurika aribyo Morocco na Tunisia itarinjizwa igitego muri iyi mikino y'amajonjora. 

Ibindi bisigaye muri ibi 18 byamaze kubona itike, byiganjemo ibyo ku mugabane wa Aziya na Amerika y'Amajyepfo, birimo u Buyapani bwabonye iyi tike mbere y'ibindi byose, Iran, Uzbekistan, Jordan, Koreya y'Epfo, Australia, New Zealand, Argentina, Brazil, Ecuador, Paraguay, Uruguay na Colombia.

Ku mugabane w'i Burayi nta gihugu kiramara kwezera ko cyabonye itike yo kwitabira igikombe cy'Isi cya 2026. 

Igikombe cy'Isi mu mupira w’amaguru kimaze gukinwa inshuro 22, Brazil ikaba ariyo imaze kucyegukana inshuro nyinshi zigera kuri 5, naho Argentina ikaba ariyo ifite igiheruka cyari cyabereye muri Qatar mu 2022.

Argentina ya Lionel Messi niyo iheruka kwegukana igikombe cy'Isi