Ubushinwa bwacuze abaganga bo mu buryo bwa AI

Igihugu cy' U Bushinwa cyabaye igihugu cya mbere ku Isi cyasohoye abaganga bacuzwe mu buryo bw' ikoranabuhanga (amarobo) bakozwe na kaminuza yo muri icyo gihugu yitwa Tsinghua. Ku ikubitiro hari gukoreshwa abaganga 46.

Igitangazamakuru Rysytechnologies.com cyanditse ko muri iyo Kaminuza ya Tsinghua hakozwe abaganga 46 bari mu bisata bitandukanye.

Hakozwe abaganga 42 bavura indwara zitandukanye n'abandi bane (4) b'ababyaza.

Baje kongera umuvuduko mu buvuzi banafasha abarwayi mu buryo bwihuse. Abo baganga (amarobo) bafite ubushobozi bwo kuvura abarwayi ibihumbi 10 mu minsi ibiri.

Ubuyobozi bw' iyo kaminuza bwashimangiye ko ibyo byakozwe biri mu mujyo wo kwihutisha ubuvuzi.

Yagize ati:"Ni ikoranabuhanga rije mu kwihutisha ubuvuzi ryerekana ko riteye imbere dore ko ritabarana ingoga, umurwayi akavurwa vuba. Ibi bikorewe muri iki gihugu bizabera ikitegererezo izindi Leta zo ku Isi zibyigane."

"Ariko nubwo tugiye gukorana n'ubu buryo bushya, amahame mu buvuzi akurikizwa n'abantu azakomeza gukurikizwa."

Abo baganga bakozwe bazajya bagenzurwa n'abantu, ubundi bakore akazi kabo umunsi ku wundi.