The Ben yongeye gukorana indirimbo n'umuhanzi ukomeye muri Uganda
Umuhanzi Mugisha Benjamin wamamaye nka The Ben mu muziki, yatangaje ko yamaze gukorana indirimbo n’umunyamuziki w’icyamamare mu gihugu cya Uganda, Azawi ndetse ko ashaka no gukorana na Winiie Nwagi.
Ibi yabitangaje mu kiganiro yagiranye n’ibitangazamakuru bikorera mu gihugu cya Uganda atangaza ko afitanye indirimbo na Priscilla Zawedde wamamaye nka Azawi, ndetse ko bamaze no gufata amajwi yayo. yatangaje ko kandi agiye gushaka uko yakorana indirimbo na Winnie Nwagi nawe ukunzwe mu gihugu cya Uganda.
Yagize ati “Mfitanye indirimbo na Azawi,…Ndashaka no gukorana indirimbo na Winnie Nwagi, Ndamukunda cyane.”
Si ubwa mbere Azawi yaba agiye gukorana indirimbo n’umunyarwanda kuko anafitanye indirimbo na Mike Kayihura iri kuri album ye yitwa Aankofa.The Ben kandi nawe ufata mu gihugu cya Uganda nko mu rugo, amaze gukorana indirimbo zitandukanye n’abahanzi bo mu gihugu cya Uganda barimo Rema Namakula bakoranye This is Love, Sheebah Karungi bakoranye Binkolela ndetse na B2C bakoranye No you no life.
The Ben wavukiye mu gihugu cya Uganda avuga ko abahanzi barimo Rema, Fik Fameica, Navio, Jose Chameleon, Alien Skin, and Daddy andre aribo bahanzi afata nk’abakomeye ndetse n’abagande bose muri rusange.
Azawi wasinyanye amasezerano n'inzu itunganya umuziki muri uganda yitwa Swangz Avenue mu mwaka wa 2019 akora indirimbo ziri mu njyana ya Afrobeats, zirimo izikunzwe nka Summer Bae, Ten Over, Party mood n’izindi.
What's Your Reaction?
