Tanzania: Perezida Samia yatsinze amatora ya manda ye ya mbere
Komisiyo y’amatora muri Tanzania, yatangaje ko Perezida Samia Suluhu Hassan ariwe watsinze amatora y’umukuru w’igihugu ku majwi 97.66%.
Ibi byatangajwe mu gitondo cyo kuri uyu wa Gatandatu tariki 01 Ugushyingo 2025, nyuma y'uko amatora yari yabaye ku wa 29 Ukwakira 2025. Iyi nstinzi yatumye Samia wagiye ku butegetsi mu buryo bw'inzibacyuho mu 2021 nyuma y’urupfu rwa John Pombe Magufuli, akomeza kuyobora Tanzania kuri manda ye ya mbere yemewe n'amategeko.
Komisiyo y’amatora yavuze ko Samia ugiye kuyobora Tanzania muri manda y'imyaka, yabonye amajwi arenga miliyoni 31.9 bingana na 97.66% by’abatoye bose.
Aya matora yakuruye imvururu zavuyemo n'imyigaragambyo cyane ikorwa n'urubyiruko ruvuga ko rudashaka Perezida Samia n'ishyaka rya Chama Cha Mapinduzi (CCM), ngo kuko ryanize abatavuga rumwe n’ubutegetsi bwa ryo.
Urubyiruko rwigaragambya rwatwitse ibikorwaremezo birimo iby'abyabarwanashyaka ba CCM na Perezida Samia Suluhu Hassan.
Perezida Samia w’imyaka 65 yabaye umugore wa mbere uyobora Tanzania, biturutse ahanini ku kuba yari Visi Perezida wa John Pombe Magufuli, gusa ku butegetsi bwe bamwe mu bayobozi n'abaturage bakunze kumvikanisha ko badakwiye kuyoborwa n'umugore.
Perezida Samia agiye kuyobora manda ye ya mbere
What's Your Reaction?
