Rihanna yongeye kugaragara ku ivuko yambaye mu buryo aherutse kwamaganira kure (Amafoto)
Umuhanzikazi Rihanna yagaragaye mu gihugu avukamo cya Barbados, yambaye mu buryo bwerekana bimwe mu bice by'umubiri we aherutse kwicuza kwerekana.
Ku wa 05 Kanama, Rihanna Fenty Robyn uzwi muri Leta Zunze Ubumwe z'Amerika, yagarutse mu gihugu avukamo cya Barbados giherereye mu birwa bya Caribbean, akaba yaraje mu iserukiramuco 'The Barbados Crop Over' yambaye mu buryo yanze, ariko busesekaza hanze ubwiza bwe.
Umuhanzikazi Rihanna wakunzwe mu ndirimbo Live your Life, Diamond na Lift me Up, yagarutse mu iserukiramuco ngaruka mwaka ryitwa 'The Barbados Crop Over Carnival' rimaze kuba ubukombe mu gihugu cy'iwabo, dore ko rimaze imyaka irenga 200; riba rigamije kuzirikana umuziki, ubuhanzi, ibiribwa n'ibindi. Iry'uyu mwaka ryatangiye ku wa 31 Nyakanga rikaba riza gusozwa kuri uyu wa 06 Kanama 2024.
Rihanna wariherukagamo mu mwaka wa 2019, yarigarutsemo yambaye mu buryo bwerekana bimwe mu bice bye yahoze avuga ko yicuza kuba yarabyerekanye mu myaka yatambutse. Yavuze ko hari ababonye amafoto ye yambaye ubusa, bamwe babona imyanya y'ibanga ye n'amabere, abandi bakaba bari hafi kubibona kubera uburyo yifotojemo.
Yaserutse yerekana igice kinini cy'amabere, amatako n'ibindi. Nubwo bihinyuza ibyo yicujije, ngo yabikoze mu kuzirikana umuco wo mu gihugu akomokamo cya Barbados.
Ubu yaserutse agaragiwe n'abasirikare, ahamya ko ari umwamikazi w'umuco n'umuziki wo mu gihugu ke kavukire cya Barbados.
Rihanna yongeye kugarukwaho kubera ukuntu yagaragaye mu iserukiramuco 'The Barbados Crop Over'
What's Your Reaction?
