REG BBC yibitseho Kamndoh uvuye muri Patriots
Mu gihe amakipe yo mu Rwanda muri Basketball akomeje kwitegura shampiyona y'umwaka utaha w'imikino, REG BBC nayo yamaze kwibikaho Frank Kamndoh avuye muri Patriots BBC.
Uyu mukinnyi w'imyaka 27 ukomoka muri Chad, ni umwe mu bakinnyi bafashije cyane ikipe ya Patriots Basketball Club haba mu mikino ya Shampiyona isanzwe ndetse n'iya kamarampaka isoza umwaka ushize w'imikino.
Kamndoh yasinye imyaka ibiri akinira ikipe y'ikigo cy'Igihugu gishinzwe ingufu, REG BBC. ni bwo ubuyobozi bw'iyi kipe butarabyemeza ku mugaragaro gusa abari hafi yayo, bavuga ko uyu mukinnyi yashyize umukono ku masezerano y'imyaka ibiri.
REG BBC yatsindiwe na APR BBC mu mikino ya nyuma ya kamarampaka muri shampiyona irangiye ndetse ikayitwara igikombe, ikomeje kwiyubaka ngo ibe yatwara icy'uyu mwaka ndetse kandi ikaba yasubira mu mikino ya BAL.
Kamndoh yari inkingi ya mwamba muri Patriots BBC
What's Your Reaction?
