Rayon Sports ikomeje kugorwa no kubona instinzi
Gicumbi FC yanganyije igitego 1-1 na Rayon Sports mu mukino w'umunsi wa 9 wa shampiyona y'u Rwanda (Rwanda Premier), bituma ikipe ifite abakunzi benshi ikomeza gukorwa no kubona instinzi.
Ni umukino wabaye kuri uyu wa Gatandatu tariki 29 Ugushyingo 2025, kuri Kigali Pelé Stadium. Gicumbi FC yari yakiriye mu mukino wose wagerageje kotsa igitutu Rayon Sports, kugeza ibonye igitego cyatsinzwe na Rubuguza ku munota wa 75'.
Rayon Sports yaherukaga gutsindwa mu mikino ibiri ya shampiyona iheruka, yagerageje kureba ko yakwiyunga n'abakunzi ngo ibone igitego cyo kwishyura ibe yanawutsinda, maze nyuma y'uko rutahizamu Asman Ndikumana yari yinjiye mu kibuga asimbuye aza gutsinda igitego cyo kwishyura ku munota wa 85'.
Imikino ibaye itatu muri shampiyona, ikipe ya Rayon Sports idatsinda umukino kuko yatsinzwe na mukeba wayo APR FC ndetse inasubirwa na AS Kigali.
Muri iyi mikino itatu iheruka Rayon Sports yinjije igitego kimwe mu izamu, mu gihe yo yinjijwe ibitego bitandatu mu izamu ryayo.
Gicumbi FC yari yakaniye muri uyu mukino
What's Your Reaction?
