Perezida Samia yarahiriye kuyobora Tanzania muri manda ya mbere
Kuri uyu wa mbere tariki 03 Ugushyingo 2025, Perezida Samia Suluhu Hassan, yarahiriye kuyobora Tanzania, muri manda ye ya mbere yemewe n'amategeko.
Ni umuhango wabereye mu muhezo mu kigo cya gisirikare giherereye i Dodoma mu murwa mukuru w'ubutegetsi. Samia yarahiriye mu muhezo biturutse ku bibazo y'imyigaragambyo yabaye muri iki gihugu nyuma y'amatora yabaye ku wa 29 Ukwakira 2025.
Perezida Samia Suluhu Hassan ayobora Tanzania kuva mu 2021, umwanya yagiyeho asimbura John Pombe Magufuli wapfuye adasoje manda ye.
Samia wari Visi Perezida wa Tanzania ndetse akaba no mu ishyaka rimwe na Magufuli, yahise afata ubutegetsi nk'uko amateka abimwemerera. Muri uyu mwaka ari na bwo manda ya Magufuli yari irangiye, habayeho amatora y'umukuru w'igihugu maze Samia atsinda ku majwi 97.66%.
Nyuma y'ibihe by'amatora, abiganjemo urubyiruko muri iki gihugu biraye imihanda bigaragambya bakavuga ko badashaka Samia ndetse n'ishyaka rya CCM riyoboye Tanzania imyaka igera kuri 64.
What's Your Reaction?
