Perezida Paul Biya ukuze kuruta abandi ku Isi yatorewe manda ya 8
Perezida Paul Biya wa Cameroon yatorewe kuyobora iki gihugu cyo burengerazuba bwa Afurika muri manda ya 8 ku myaka 92 y'amavuko.
Urwego rushinzwe kurinda itegeko nshinga muri Cameroon ni rwo rwatangaje kuri uyu wa mbere tariki ya 27 Ukwakira 2025 ko Perezida Paul Biya ari we watsinze amatora y'umukuru w'igihugu yabaye ku wa 12 Ukwakira 2025.
Biya yatsinze amatora ku majwi 53.66% akurikirwa na Issa Tchrioma Bakary, wagize amajwi 35.19%. Kuva mu 1982 ayobora iki gihugu, ubu imibare igaragaza ko abarenga 60% by’abatuye Cameroon bavutse nyuma y’uko Biya ageze k'ubutegetsi, ku buryo batazi undi mukura w'igihugu uretse we.
Abatavuga rumwe n'ubutegetsi bwa Biya bakunze kugaragaza ko yagakwiye kurekura iyi ntebe y'umukuru w'igihugu amazeho imyaka irenga 40.
What's Your Reaction?
