P Diddy yiyemeje kuburana no gutsindira mu rukiko abamureze ndetse abaca amande

Sean Combs uzwi mu muziki nka P Diddy cyangwa se Puff Daddy yashikamye atanga ikirego ashinja abarimo Courtney Burgess, umunyamategeko we, Ariel Mitchell n’igitangazamakuru Nexstar Media, kumuharabika, arabaca angana na miliyoni 50 z’Amadolari y’Amerika.

P Diddy watawe muri yombi muri Nzeri 2024 ashinjwa ibyaha byiganjemo iby’ihohotera rishingiye ku gitsina, akaburana ashaka gukurikiranwa adafunzwe ariko bikanga akaguma mu munyururu, yahagurukiye ab’imbere bari kumushinja ibyo byaha, na we atanga ikirego abakurikiranyeho kumukwirakwizaho ibihuha.

Itangwa ry’iki kirego rivuga ko P Diddy yasesenguye ukuntu yandurijwe izina agakomeza gushinjwa n’abiganjemo ab’igitsinagore ihohotera rishingiye ku gitsina bimuheza muri gereza, ahitamo gutanga ikirego cy’abari ku ruhembe rw’imbere mu kumushinja.

Diddy ari gukurikirana umutangabuhamya mukuru, Courtney Burgess ataretse n’umunyamategeko we, Ariel Mitchell ugira uruhare mu byo kujya kumushinja ibyo byaha.

Ntiyarekeye aho kuko muri icyo kirego yashyizemo  n’igitangazamakuru Nexstar Media na cyo agishinja gukomeza kugaruka ku byo ashinjwa we atemera afata nk’ibinyoma byo kumwangisha abandi no guhombya imishinga ye.

Yarangije iki kirego avuga ko ashingiye ku byo yahombye n’ibyo akomeje guhomba ngo yifuza impozamarira ingana na miliyoni 50 z’Amadolari ($50 million).