Ntari muri 3 beza: Abategura ibihembo bya "Grammy" bahagurukiwe n'abafana ba Davido

Mu butumwa bwacishijwe kuri konti ya Recording Academy itegura ibihembo bya Grammy buvuga indirimbo indirimbo nziza ziri mu njyana ya Afrobeats bakanongeraho abahanzi batatu beza muri yo. Muri abo batatu ntiharimo Davido.

Ubwo butumwa bugira buti:"Uhereye kw'imenyekana ry'injyana ya Afrobeats mu myaka ya 2010 kugera ku ruhando mpuzamahanga turi kuyibonaho uyu munsi, hari abahanzi bakoze iyo bwabaga biharira ikibuga cyayo abo ni Wizkid, Burna Boy na Rema batumye ijwi ryayo riva hamwe rigera ahandi."

Bakomeje batangaza indirimbo zabo 10 zihariye iyo njyana ya Afrobeats. 

Izo ni:
1. African Queen ya 2Baba yasohoye muri 2004,
2. Do Me ya P-Square basohoye muri 2007,
3. Bumper 2 Bumper ya Wande Coal yo mu mwaka wa 2009,
4. Pon Pon Pon ya Dagrin yo muri 2009,
5. Azonto ya Fuse ODG yo muri 2014,
6. Ojuelegba yo mu mwaka wa 2014,
7. Mad Over You ya Runtown yo mu mwaka wa 2016,
8. Maradona ya Niniola yo mu mwaka wa 2017,
9. Sungba ya Asake yo mu mwaka wa 2022,
10. Ozeba ya Rema yasohoye mu mwaka wa 2024.

Ibyo bakoze byatumye bibazwaho byinshi n'abihebeye umuhanzi Davido bo bafata nk' uwa mbere muri iyo njyana. Batanze ibitekerezo babaza iryo tsinda niba urwo rutonde barutekerejeho neza cyangwa se niba bapfuye kurusohora. Byose ni ibitekerezo bigaragaza ko babajwe na bo.