Nairobi United ikinamo Umunyarwanda yakoze amateka muri Afurika
Ikipe ya Nairobi United iheruka kuzamuka mu cyiciro cya mbere muri shampiyona ya Kenya mu mpera z’umwaka ushize, ndetse ikaza kwegukana igikombe cya FA Cup itsinze ikipe ikomeye ya Gor Mahia, nyuma yo kubona itike yo guhagararira igihugu mu mikino Nyafurika, yabashije no kugera mu matsinda.
Nairobi United yageze mu matsinda ya CAF Confederation Cup ku nshuro yayo ya mbere nyuma yo gutsinda ikipe ikomeye ya Etoile de Sahel yo muri Tunisia kuri penaliti 7-6.
Nyuma yo gutsinda ibitego 2-0 mu mukino ubanza, iyi kipe yo muri Kenya yari yasezereye NEC yo muri Uganda, yatsinzwe ibitego 2-0 mu mukino wo kwishyura, bituma banganya, hanyuma itsinda umukino kuri penaliti.
Iyi kipe ikinamo Umunyarwanda Buregeya Prince wanyuze mu makipe nka AS Kigali na APR FC, yiyongereye ku makipe yo mu Karere ka Afurika y’Iburasirazuba nka Singida Black Stars na Azam zo muri Tanzania zose zose zigiye gukina amatsinda bwa mbere.
Nairobi United yavuye mu cyiciro cya kabiri izamuka mu cya mbere mu mwaka w'imikino yatwayemo na FA Cup yayihesheje guhagarika Kenya mu mikino ya CAF Confederation Cup, none igeze mu matsinda isezereye ikipe ikomeye ku mugabane ya Étoile Sportive du Sahel.
Myugariro Buregeya Prince ni umwe mu bakinnyi b'iyi kipe
What's Your Reaction?
