CAF iyobowe na Motsepe mu nzira zo gukora nka UEFA
Perezida wa CAF Patrice Motsepe yameje ko igikombe cya Afurika cy'ibihugu, AFCON, kizajya kiba rimwe mu myaka ine ndetse hakabaho irushanwa rishya ryiswe 'African Nations League' buri mwaka.
Mu kiganiro cyabaye mu mugoroba wa mbere wo gutangiza igikombe cya Afurika cya 2025 kigiye kubera muri Morocco, ni bwo Motsepe ugiye kumara imyaka itanu ayoboye Impuzamashyirahamwe y'Umupira w'Amaguru muri Afurika, CAF, yatangaje impinduka zigiye kuba mikino y'igikombe cya Afurika.
Mu byo yatangaje yavuze ko nyuma y'igikombe cya Afurika cya 2027 kizabera muri Kenya, Tanzania na Uganda, iri rushanwa rizajya riba nyuma buri nyuma y'imyaka ine bitandukanye n'uko ryajyaga riba nyuma y'imyaka ibiri.
Uretse izi mpinduka mu mikino y'igikombe cya Afurika kandi, yatangaje ko hagiye no kuza irushanwa rishya ryiswe "African Nations League" rizatangira gukinwa mu 2029. Ni imikino izajya iba hagati y'ukwezi kwa Nzeri ndetse n'Ugushyingo mu gihe FIFA yageneye imikino y'ibihugu.
Ubu buryo bushya buzaba bufitanye isano cyane n'ubwo mu Burayi muri UEFA kuko naho irushanwa rya EURO riba nyuma y'imyaka. Itandukaniro ririmo ni kuri iyi mikino izajya iba buri mwaka muri Afurika, kuko mu Buriya ho riba nyuma y'imyaka ibiri.
Patrice Motsepe yemeje impinduka mu mikino y'igikombe cya Afurika
What's Your Reaction?
