Na Rayon Sports yabikora: Icyakuye Yanga Africans SC mu makipe adatwara ibikombe mu gihugu no muri Afurika
Ikipe yo mu gihugu cya Tanzania, Yanga Africans SC imaze kuba ubukombe muri iyi myaka ya vuba nyamara yaramye ari ikipe itsindwa n'umuhisi n'umugenzi. Hahishuwe ibanga ryatumye iba ikipe ikangitse muri Afurika.
Yanga Africans SC iri kubarizwa i Kigali aho yaje muri gahunda zo gukina na Rayon Sports ku "Munsi w'Igikundiro," iri kugarukwaho kubera ibigwi bikomeye birimo n'ibyo yagize muri iyi myaka.
Mu kiganiro umuyobozi akaba n'umuvugizi w'abafana ba Yanga Africans SC, Ali Kamwe yagiranye BB FM Kigali yagarutse ku ibanga ryatumye ikipe yabo iva mu makipe y'inyuma yaba mu gihugu cyabo no muri Afurika ikajya mu zikomeye.
Yagize ati:"Yego ikipe yacu yahoze iri mu makipe y'inyuma ariko twitekerejeho duhitamo gukoresha ubunyamwuga. Ni yo ntwaro twitwaza, none turi aheza."
Usubije amaso inyuma mu myaka ya vuba, hejuru ya 2020, Yanga Africans SC yerekanye ko ari ikipe ikomeye.
Dore ibikombe iherutse kwegukana:
1. Yatwaye igikombe cya shampiyona y'igihugu yo muri Tanzania "Ligi Kuu ya Tanzania (NBC Premier League) mu myaka y'imikino ya 2022/2023, 2023/2024 na 2024/2025.
2.Kagame Cup ya CECAFA (2022)
Muri 2022, Yanga yegukanye igikombe cya "Kagame Cup cya CECAFA," nyuma yo gutsinda Vipers SC yo muri Uganda.
3. Azam Sports Federation Cup (2021)
Muri 2021, Yanga yatsindiye igikombe cya Azam Federation Cup (igikombe cya Tanzaniya), nyuma yo gutsinda Azam FC.
4. Mapinduzi Cup (2023)
Muri 2023, Yanga yatwaye igikombe cya Mapinduzi Cup, cyari cyateguriwe mu birwa bya Zanzibar.
Yanga Africans FC iri mu makipe afite imyitwarire myiza mu mikino ya CAF Champions League, ariko kuva 2020, ntacyo iregukana.
Ali Kamwe avuga ko ikipe ya Yanga Africans SC yavuye kure ariko ihagaze neza
Yanga Africans SC imaze imyaka 3 yikurikiranya yegukana igikombe cya shampiyona yo muri Tanzania
What's Your Reaction?
