Minisitiri Utumatwishima Abdallah yagaragaje uko yakiriye indirimbo Jugumila

Abinyujije ku rukuta rwe rwa X yahoze yitwa Twitter, Dr. Jean Nepo Utumatwishima Abdallah yagaragaje ko indirimbo Jugumila ya ya Phil Peter yahurijemo Chris Eazy na Kevin Kade, ko nawe ari mu mubare munini w'abanyarwanda bakiriye neza iyi ndirimbo agaragaza ko yuzuyemo udushya twinshi.

Umwe mu bakoresha urubuga rwa X uzwi nk'umusore w'ibana yashyizeho amafoto abiri asa n'ubagereranya bombi abaza abakoresha uru rubuga ugira udushya twinshi mu ndirimbo hagati ya Chris Eazy na Kevin Kade.

 Minisitiri akibibona yahise asubiza ati "Ongeraho na Dj Phil Peter, hari indirimbo yabo nabonye irimo udushya 'creativity' nyinshi."

Kuva Dr. Utumatwishima Abdallah yashyirwa ku mwanya wa Minisitiri w'urubyiruko n'iterambere ry'ubuhanzi akomeje kugaragaza ko iyi minisiteri ayishoboye cyane ko ubona ko agerageza gukurikiranira hafi ibikorwa by'abahanzi batandukanye ndetse ntasibe gutumira bamwe, bagahura bakamubwira ibyifuzo byabo ndetse n'imbogamizi bahura nazo.

 Dr. Utumatwishima ntasiba kwereka abahanzi ko abashyigikiye kandi abatera imbaraga, ibi bigatuma abakurikiranira hafi imyidagaduro bemeza ko biteze impinduka muri iyi minisiteri.