Kecapu na Bamenya baritegura guhabwa imodoka za miliyoni 26 RWF
Benshi mu bakinnyi ba filime bari bahatanye mu bihembo bya Mashariki Film Festival, bahigitswe na Kecapu na Bamenya bo muri Bamenya Series.
Mukayizeri Djalia wamenyekanye nka Kecapu na Benimana Ramadhan uzwi cyane nka Bamenya, ni bo begukanye ibihembo by'imodoka muri Mashariki Film Festival.
Mu itangwa n'ibirori bya Mashariki Film Festival bigiye kuba ku nshuro ya 11, Kecapu yahigitse bagenzi be mu cyiciro cy'abagore ku majwi 70,208, naho mu bagabo Bamenya aba uwa mbere ku majwi 80, 748.
Amajwi y'abatora yajyanaga n'amafaranga, mu cyiciro cy'abagore yose hamwe ni 126,948 ahwanye na 25,389,600 RWF, mu gihe abagabo amajwi yabo ari 120,432 ahwanye na 24,086,400 RWF. Amajwi yose hamwe ni 247, 380 angana na 49,476,000 RWF.
Uretse abatsindiye ibihembo bikuru, buri mukinnyi wari uhatanye azagira amafaranga ahabwa yavuye mu majwi y'abamutoye.
Mu isozwa rya Mashariki Film Festival, mu birori biri bubere muri Serena Hotel kuri uyu wa 29 Ugushyingo 2025, Kecapu na Bamenya barahabwa imodoka zo mu bwoko bwa Hyundai Sonata kuri buri umwe. Izi modoko bahabwa, buri imwe ifite agaciro ka miliyoni 13 RWF zombi zihwanye na miliyoni 26 RWF.
Dore imodoka Kecapu na Bamenya bari buhabwe
What's Your Reaction?
