Inkomoko y’imbeba yatumye indege igushwa hutihuti

Indege yavaga mu mujyi wa Oslo ho mu gihugu cya Norway yerekeza mu mujyi wa Malaga mu gihugu cya Esipanye (Spain) yahagaritswe aho itari igiye kubera ko basanze imbeba mu mafunguro y’umugenzi.

Ku wa Gatatu w’iki cyumweru, tariki ya 18 Nzeri 2024 nibwo iyo ndege yarimo abagenzi yahagurutse i Oslo ifata urugendo ruyerekeza i Malaga ariko bageze mu gihugu cya Denmark, umugenzi yafunguye aho yari yabitse amafunguro, abonamo imbeba.

Ni imbeba yahise isimbuka ishaka guterera mu ipantalo y’umugenzi, arayirwanya.

 Uyu mugabo wuriwe n’iyo mbeba yabwiye BBC ati:”Turi mu ndege tuva i Oslo tujya i Malaga nabonye imbeba mu ndege. Umugore twari twegeranye yafuguye aho yari yatwaye amafunguro, hahita havamo imbeba, ihita insimbukira!”

“Byari ibiryo ubona ko biryo, tuti: ese twabasha kurya ibi biryo bivuyemo imbeba? Bimaze kumenyekana, indege yahise igushwa, baduha indi dukomezanya na yo.”

Uwari uyitwaye amaze kubimenya yahise afata umwanzuro wo kuyigusha ku kibuga cy’indege cya Copenhagen mu gihugu cya Denmark.

Nubwo abagenzi bakererejwe amasaha abiri, bahise bakurwa muri iyo ndege bashyirwa mu yindi, bakomeza urugendo rwaganaga i Malaga muri Esipanye.

Imbeba ni imwe mu nyamaswa itinywa mu ndege kuko ishobora kugenda igaca insinga z’indege ikaba yatuma indege ikora impanuka.

Si ubwa mbere inyamaswa ihagaritse indege kuko n’inzoka yo mu bwoko bwa cobra yatumye indege ihagarikwa.

Ni indege yari mu kirere cyo muri Afurika y’Epfo, iri kuva ku kibuga cy’indege cya Cape Town, uwari uyitwaye (pilot) abona inzoka ya cobra iruhande rwe ahita afata umwanzu wo kuyisubiza hasi.

Icyo gihe nta mugenzi wabigiriyemo ikibazo.