Impamvu umuntu ukurikirwa cyane kuri TikTok, Khaby Lame yafungiwe muri Amerika
Ikigo gishinzwe abinjira n'abasohoka muri Leta Zunze Ubumwe z'Amerika cyataye muri yombi umusore witwa Khaby Lame wo mu Butaliyani azira guhonyora amategeko mpuzamahanga y'ingendo.
Seringe Khabane Lame uzwi ku rubuga rwa TikTok nka Khaby Lame yafatiwe ku kibuga cy' indege "Harry Reid International Airport" cy'i Las Vegas kubera ko yagumye muri Leta Zunze Ubumwe z'Amerika igihe kirere kirenze icyo yari yahawe.
Khaby Lame yageze muri Leta Zunze Ubumwe z'Amerika ku wa 30 Mata ahaguma igihe kirengeje ikiri ku rupapuro rwe rw’ingendo. Uko gutinda kwatumye ku wa Gatanu atabwa muri yombi, ariko arekurwa kuri uwo munsi ahita yurira indege asubira mu rugo.
Uwo musore akomoka muri Senegal akaba afite ubwenegihugu bw’U Butaliyani. Yahawe ubw'ambasaderi bwa UNICEF. Kuri TikoTok akurikirwa n'abarenga miliyoni 162.
Kuva Donald Trump yatangira kuyobora Amerika mu ntangiriro za 2025, yiyemeje guhashya ababa muri icyo gihugu badafite ibyangombwa. Yashyizeho na gahunda yo kubafata bagasubizwa mu bihugu byabo.
What's Your Reaction?
