Impamvu Minisitiri w'Ingabo na Minisitiri w'Uburinganire n'Iterambere ry'Umuryango batarahiye hamwe n'abandi
Kuri uyu wa Gatanu tariki ya 25 Nyakanga 2025 nibwo Perezida Paul Kagame yakiriye indahiro za Minisitiri w'Intebe mushya, Abagize Guverinoma n'abayobozi Bakuru b'Urwego Rushinzwe Iterambere mu Rwanda (RDB), ariko Minisitiri w'Ingabo, Juvenal Marizamunda na Minisitiri w'Uburinganire n'Iterambere ry'Umuryango, Consolée Uwimana, ntibari aho irahira ryabereye mu Ngoro y'Inteko Ishinga Amategeko.
Nyuma yuko ku mugoroba wo ku wa Kane, tariki ya 24 Nyakanga, Perezida Paul Kagame yashyizeho Guverinoma nshya iyobowe na Minisitiri w'Intebe, Dr. Justin Nsengiyumva, kuri uyu wa Gatanu barahiriye kuzuza izo nshingano bahawe.
Mu barahiye ntiharimo Minisitiri w'Ingabo, Bwana Juvenal Marizamunda na Minisitiri w'Uburinganire n'Iterambere ry'Umuryango, Madamu Consolée Uwimana ntibarahiye kubera ubutumwa bw' akazi barimo.
Umujyanama wa Perezida wa Sena, Mushimire Olivier wayoboye uwo muhango w'irahira yagize ati:"Twagira ngo kandi tubamenyeshe ko Minisitiri w'Ingabo na Minisitiri w'Uburinganire n'Iterambere ry'Umuryango batarahiye kubera ko bari mu butumwa bw' akazi hanze y'igihugu, bityo Nyakubahwa Perezida wa Repubulika mukazakira indahiro zabo mu gihe cya vuba."
Abo ni bo Baminisitiri, Abanyamahanga ba Leta n'abandi Bayobozi Bakuru bashyizweho na Perezida Paul Kagame ku wa 24 Nyakanga 2025
What's Your Reaction?
