Donald Trump yituye Elon Musk wamufashije gutsinda amatora
Kuri uyu wa Gatatu, tariki ya 13 Ugushyingo 2024 inkuru yavuye muri Amerika ikwirakwira hirya no hino ku Isi, ihamya ko Donald Trump yinjije mu buyobozi bwe Elon Musk, maze amugira Minisitiri.
Perezida mushya wa Leta Zunze Ubumwe z'Amerika, Donald Trump yasohoje isezerano yahaye umuherwe Elon Musk ryo kumugira Minisitiri wa minisiteri nshya yo kunoza imikorere ya Leta "Department of Government Effeciency (DOGE)."
Igihe Donald Trump yiyamamarizaga kuyobora Amerika, yafashijwe cyane n'umuherwe wa mbere ku Isi, Elon Musk. Uyu muherwe yiyemeza ko azakora ibishoboka byose, azemera agatanga n'amafaranga ariko Donald Trump atsinde amatora. Yakomeje kumwamamaza aciye no ku mbuga nkoranyambaga zirimo urwe rwahoze ari Twitter ubu rukaba ari X.
Donald Trump yamwijeje ko natsinda amatora azamugororera akamushyira mu butegetsi bwe, akaba yamugira Minisitiri.
Amatora yabaye ku wa 05 Ugushyingo 2024, Donald Trump yatsinze amatora ahigitse Kamala Harris ahita atsindira umwanya w'umukuru w'igihugu, none yamaze kumushyikiriza iryo sezerano, ashinga Minisiteri nshya yo kunoza imikorere ya Leta 'Department of Government Effeciency' ahita amugira minisitiri wayo.
Trump yahamije ko Elon Musk azafatanya n'umushoramari mu by'imiti, Vivek Ramaswamy, yabahaye inshingano zirimo kwihutisha gufata ibyemezo, kuvugurura inzego za Leta no kugabanya gusesagura kwa leta.
Yakomeje avuga ko Trump na Vivek bazaba abajyanama ba White House. Bitezweho kuzakora amavugurura akomeye mu nzego za leta.
Iyi minisiteri nshya 'DOGE' ntabwo ari minisiteri yemewe n'amategeko. Mu kuyishyiraho, hifashishijwe itegeko ry'inteko ishingamategeko, ikindi kandi ifite abakozi babarirwa mu bihumbi za mirongo.
Uretse abo bituwe kuba bamufashije kuba Perezida, Donald Trump yahishuye ko umunyamakuru wa Fox News wahoze ari umusirikare, Pete Hegseth yagizwe Minisitiri w'Ingabo, naho uwahoze ari umudepite wa Texas, John Radcliffe yagizwe umuyobozi w'urwego rw'ubutasi rw’Amerika, CIA.
What's Your Reaction?
