Imodoka idasanzwe mu gihugu: Ibyahembwe Miss Burundi 2025, Kaneza - AMAFOTO
Mu ijoro ryo ku wa Gatanu, tariki ya 25 Nyakanga 2025 nibwo hatowe Nyampinga w'igihugu cy' U Burundi 2025 witwa Miss Kaneza Kellia ashimirwa intambwe yateye mu buzima.
Miss Kaneza Kellia Lagloire ni we wahize abandi bakobwa bo mu gihugu cy' U Burundi yegukana ikamba rya Nyampinga (Miss) w'U Burundi 2025.
Nk' uko byari byateganyijwe, yahise agenerwa ibyo yari yemerewe.
Yahawe imodoka ikoresha umuriro w'amashanyarazi yo mu bwoko bwa Skyline. Ni imodoka idasanzwe mu gihugu cy' U Burundi kuko ho hamenyerewe imodoka zisanzwe zikoresha lisansi na mazutu.
Ubwo we azajya atwara imodoka imeze nka zimwe z' i Kigali zisaba ko umuntu ayirahurishiriza umuriro w’amashanyarazi ubundi ikagenda itangiza ikirere.
Yashyikirijwe kandi miliyoni 25 z'Amafaranga y’Amarundi (ni miliyoni 12,124,265 RWF).
Igisonga cye cya mbere cyashyikirijwe miliyoni 15 z' Amafaranga y'Amarundi (ni miliyoni 7,274,559 RWF). Ni mu gihe igisonga cya kabiri cyahawe miliyoni 10 z' Amafaranga y'Amarundi (ni miliyoni 4,849,706 RWF).
Ibyo birori byo gutora Miss Burundi 2025 byari byitabiriwe na Madamu wa Perezida w'U Burundi, Angeline Ndayishimiye
Byari ibyishimo kuri Kaneza Kellia wegukanye ikamba rya Miss Burundi 2025
Miss Kaneza yahembwe imodoka iri mu bwoko bwa Skyline ikoresha umuriro w'amashanyarazi
Ababaye ibisonga bye na bo bagenewe udushimwe
Miss Kaneza yasimbuye Miss Burundi 2023, Ndayizeye Lellie Carelle
What's Your Reaction?
