Icyo wamenya ku muryango wa LeBron James uhamya ko umugore we ari inshingiro y’intsinzi ye
Umunyabigwi mu mukino wa basketball muri Amerika, LeBron James ashimangira ko kuba uwa mbere watsinze amanota menshi muri uwo mukino muri NBA abikesha umugore we, Savannah.
Abanyarwanda bati:”Umugore ni umutima w’urugo,” abandi bakavuga ko umugore mwiza abera umugisha umugabo we. Ni ibintu bishimangirwa na LeBron James ufatwa nk’uwa mbere muri NBA watsinze amanota arenga ibihumbi 41, avuga ko yabigezeho kubera umugore we, Savannah James, babyaranye abana batatu.
LeBron James ni rurangiranwa mu mukino wa basketball muri shampiyona yayo ikomeye ku Isi, NBA, ibarizwa muri Amerika. Mu mwaka wa 2023, yashimiwe kuba umukinnyi wa mbere wagize amanota menshi muri iyo shampiyona aho yarengeje amanota ibihumbi 41.
Yahise akuraho agahigo kari karashyizweho na Kareem Abdul-Jabbar wari waratsinze amanota arenga ibihumbi 38.
Uyu mugabo w’imyaka 40 yarushinze na Savannah James babyarana abana 3; abasore babiri; Lebron Bronny James w’imyaka 20, Bryce Maximus James w’imyaka 17 n’umukobwa, Zhuri Nova w’imyaka 10. Ni umurayango wumvikana ukaba ikitegererezo mu yindi y’abakinnyi bakina muri NBA.
Abana be bashishikajwe no gutera ikirenge mu cya se. Ubu umuhungu we mukuru, Bronny James akina basketball. Mu mwaka wa 2024, yanditse amateka yo gukinana na papa we mu ikipe imwe ya Los Angeles Lakers.
Kuba ari umuryango mwiza byiratwa n’uwo mugabo akavuga ko bimufasha mu mwuga we. Ntasiba kurata amashimwe umugore we, Savannah James.
Yagize ati:”Iyo ataba we, sinari kuba uwo ndi we uyu munsi!”
LeBron James aracyakina mu ikipe ya Los Angeles Lakers. Yahiriwe no gukina uwo mukino dore ko ari mu baherwe bawukina, atunze arenga miliyari 1 y’Amadolari y’Amerika.
LeBron James ahamya ko umugore ari ishyiga ry'inyuma kuri we
Umuryango w'umunyabigwi muri basketball, LeBron James
LeBron James amaze kuba rurangiranwa muri NBA
What's Your Reaction?
