Icyavuzwe n'Umwongereza, Kumar warokotse impanuka y'indege yo mu Buhinde yahitanye abagera kuri 241
Umugabo ukomoka mu Bwongereza Vishwash Kumar Ramesh yavuze ko yatunguwe no kwisanga mu bapfuye ahita ahaguruka ariruka.
Umugenzi w'Umwongereza uvuka mu Buhinde, Vishwash Kumar Ramesh watangajwe ko yarokotse impanuka y'indege yari ivuye mu Buhinde yerekeza mu Bwongereza, yavugiye mu bitaro ko yagiye kubona bagenzi be bapfuye yisanga ari wenyine muzima ahita ahaguruka akizwa n'amaguru.
Ku wa Kane tariki ya 12 Kamena 2025 nibwo inkuru yavuye mu Buhinde ihamya ko indege yo mu bwoko bwa Boeing 787-8 Dreamliner yari ivuye ku kibuga cy' indege cya Ahmedabad yerekeza mu Bwongereza yahanutse yikubita hasi. Ni impanuka yaguyemo abagera kuri 241 dore ko yari itwaye abagera kuri 242 nk' uko byemejwe na Polisi y'U Buhinde.
Umuntu umwe wayirokotse witwa Vishwash Kumar Ramesh ufite imyaka 40 y'amavuko yagize ati:"Nkangutse, nisanze ndyamye mu mirambo. Nagize ubwoba. Icyo nakoze, nahise mbyuka ndiruka nca mu bisigazwa by'indege ndagenda."
Uyu mugabo yavuze ko indege igihaguruka hari ibyo bumvise ko ishobora gukora impanuka birangira bibaye.
Ati:"Hashize nk' amasegonda 30 indege imaze guhaguruka, twumvisemo urusaku rwinshi cyane maze mu buryo bwihuse iyo ndege ihita yisekura hasi."
What's Your Reaction?
