Ibyo wamenya ku wahoze ari Perezida wa Zambia, Edgar Lungu witabye Imana
Kuri uyu wa Kane tariki ya 05 Kamena 2025 nibwo inkuru yavuye i Lusaka muri Zambia yemeza ko Edgar Lungu wahoze ari Perezida wa Zambia kugeza mu mwaka wa 2021 yatabarutse.
Edgar Lungu wahoze ari Perezida wa Zambia, yitabye Imana ku myaka 68 y'amavuko aguye muri Afurika y'Epfo nk' uko abo mu muryango we n'ishyaka rye rya Patriotic Front ryabitangaje.
Edgar Lungu yayoboye igihugu cyo mu majyepfo y'Afurika, Zambia, kuva muri Mutarama 2015 kugeza muri Kanama 2021.
Ishyaka yabarizwagamo rya Patriotic Front ryasohoye itangazo rigira riti:"Uwahoze ari Perezida wa Zambia, Edgar Lungu wari umaze iminsi ahererwa ubuvuzi bwisumbuyeho muri Afurika y'Epfo, yitabye Imana kuri uyu wa Kane tariki ya 05 Kamena 2025."
Ayo makuru kandi yahamijwe n'umukobwa we, Tasila Lungu, aciye ku rubuga rwa Facebook.
Edgar Lungu wasimbuwe ku mwanya wa Perezida na Hichilema muri Kanama 2021, atabarutse asize abana batandatu n'umugore we, Esther Lungu bashyingiranywe mu mwaka wa 1986.
Edgar Lungu yitabye Imana afite imyaka 68 y'amavuko
What's Your Reaction?
