IBANGA RY’UBUZIMA: Urugo rudasanzwe si urufite umutungo mwinshi, ni urufite icyubahiro.

Ntitwakwitwaza urukundo ngo twemere gusuzugurana. Ntitwakwitwaza umuco, uburakari cyangwa ububasha ngo duteshe agaciro uwo twahisemo kubana na we. Umugabo cyangwa umugore utubaha uwo bashakanye, aba asenya ibyo biyemereye.

  Urukundo rutagira icyubahiro ruba rufite ishingiro ry’inzu yubatswe ku musenyi.

  Umubano uharanira gutsinda mugenzi wawe uratsindwa  kandi mukaba mutsinzwe mwembi.

  Ijambo ribabaza uwo mwashakanye risenya ibyo mwubatse imyaka yose.

  Iyo icyubahiro kivuye mu rugo, amahoro na yo aragenda.

  Abashakanye bubahana ntibabura ibibazo, ahubwo babona uko babikemura.

  Gushaka gukosora uwo mwashakanye umutesha agaciro si urukundo, ni ubwibone.

  Ijwi rituje rifite imbaraga kurusha induru mu rukundo.

  Kwemera amakosa ni intambwe ya mbere yo gusana icyizere.

  Urugo rubaho iyo buri wese yumva ko yubashywe.

  Gukunda si ukuvuga menshi, ni ukwubaha buri munsi.

Urukundo rutagira icyubahiro ni ikinyoma kigaragara buhoro buhoro. Nta rugo rwubakwa n’induru, n’iterabwoba, n’agasuzuguro. Hubakwa n’ijambo ryiza, umutima wumva, n’ubushake bwo kwikosora.

Aya magambo, si ayo kubashinja, ahubwo ni ayo kubaburira no kubibutsa ko urugo rusenywa n’amagambo make, ariko rukubakwa n’ubwenge bwinshi.

Philemon Burgin