IBANGA RY’UBUZIMA: Uri inkuru ikiri kwandikwa, kandi urupapuro rukurikira rushobora kuba rwiza kurushaho.

  Ubuzima si ugutegereza ko ibihe bibi birangira, ni ukwiga kubyina no mu mvura. Bitwigisha ko ibyishimo bidategereza ko ibintu byose biba byiza, ahubwo biva mu kwakira uko turi.

  Ntukihebe kubera ibyo watakaje, hari ibyo ubuzima bukurinda utazi. Si buri gihombo kiba ari igihombo kuko; hari igihe kiba ari umutekano.

  Ubudaheranwa si ukudacika intege, ni uguhaguruka buri gihe ucitse intege. Imbaraga nyazo ziva mu kongera kugerageza, si mu kudatsindwa.

  Igihe uhaye agaciro umutima wawe, n’abandi baziga kuwuhesha agaciro. Kwiyubaha ni intangiriro yo kubahwa n’abandi.

  Ubuzima buragoranye, ariko ntibivuga ko wowe ugomba gucika intege. Ibibazo si byo bidusobanura, ahubwo ni uko tubyitwaramo.

  Ntukigereranye n’abandi; urugendo rwawe rufite isaha yarwo. Twese ntitwihuta kimwe, kandi ibyo ni byo bituma ubuzima bugira ubudasa.

  Ibyishimo nyabyo ntibiva mu byo ufite, biva mu byo wemera mu mutima wawe. Umutima unyuzwe uruta ubukire bwose.

Ubuzima ntibusaba ko tuba intungane, busaba gusa ko tuba inyangamugayo ku mitima yacu. Aya magambo y’ubwenge atwibutse ko n’iyo twacitse intege, tutari twaratsinzwe; ko n’iyo twatakaje icyizere, tugishoboye kongera kukibona.

Nugira amahitamo yo gutekereza neza, gukunda by’ukuri no kwizera ejo hazaza, ubuzima buzagenda bukwereka ko n’inzira igoranye ishobora kuganisha ku byiza. Jya wibuka: uri inkuru ikiri kwandikwa, kandi urupapuro rukurikira rushobora kuba rwiza kurushaho.

Philemon Burgin