I Kigali hateraniye inama yiga ku iterambere ry'imijyi
Ubuyobozi bw’Umujyi wa Kigali, Minisiteri y’Ikoranabuhanga na Inovasiyo n’abandi bahanga mu by’imiturire y’imijyi muri Afurika bari mu kiganiro kigaragaza ibigomba gukorwa kugirango Ubuyobozi bw’imijyi bushobore kujyana n’umuvuduko w’imijyi kuri uyu mugabane.
Barimo no kuganira ku ishoramari mu mijyi aho abikorera bashoye imari mu miturire barimo kugaragaza uruhare rwabo mu guteza imbere imiturire iboneye mu mijyi irimo kwaguka mu buryo bwihuse.
Ni ibiganiro bitegura inama ikomeye ya Africa smart cities investment summit yo muri Nzeri izahuza abashoramari muri uru rwego rw’Imijyi muri Afurika, ubuyobozi bw’imijyi itandukanye n’abandi.
Bazaganira ku bimaze gukorwa mu mitegurire y’imijyi ndetse n’icyerekezo cy’imijyi irimo guturwa ku muvuduko uri hejuru. Bitarenze mu 2030, imijyi yo muri Afurika izaba ituwe n’abasaga Miliyoni 760.
What's Your Reaction?
