Hari ababonye n'imoko: Uko Tems yajagaraje imbuga nkoranyambaga

Temilade Openiyi uzwi mu muziki wo muri Nigeria no hirya no hino ku Isi nka Tems yagiye ku mbuga nkoranyambaga ku mugoroba wo ku wa Gatanu tariki ya 13 Kamena 2025 asangiza abazikoresha amafoto yiganjemo ayo yambaye umwenda w'abagore n'abakobwa wo kogona uzwi nka bikini ari ku mazi y’ahitwa Marbella muri Esipanye [Spain]. Muri izo hari ifoto itavuzweho rumwe kubera uko agaragaramo.

Tems ari kugarukwaho atari ukubera igitaramo yakoze, igihembo yatwaye cyangwa se indirimbo yasohoye ahubwo ari ukubera ifoto ye yarikoroje ku mbuga nkoranyambaga.

Ni ifoto imugaragaza yambaye bikini, bamwe bakavuga ko ibere rye ryasohotse imoko yaryo ikagaragara kandi ubusanzwe umugore cyangwa se inkumi yambara uwo mwenda ukayihisha kuko ifatwa nka kimwe mu bice bye by'ibanga.

Ni amafoto yifotoje mu gihe ari kwizihiza imyaka 30 y'amavuko yagize ku itariki ya 11 Kamena 2025.

Ikindi kandi ayo mafoto yifotoje yambaye bikini yatunguye abatari bake kuko uwo muhanzikazi ukiri inkumi yarasanzwe adasohora amafoto yambaye gutyo. Ahubwo ugasanga abwira abandi bakobwa kutishyira ku karubanda.

Tems yasohoye amafoto arimo iyavuzweho gusohoka ku ibere imoko yaryo ikagaragara

Tems yagaragaje ko yagiriye ibihe byiza ku mazi ya Marbella ho muri Spain mu rwego rwo kwizihiza imyaka 30 y'amavuko yujuje muri uku kwezi kwa Kamena 2025

Ni umwe mu bahanzikazi bakomeye mu gihugu cya Nigeria dore ko amaze gutwara ibihembo birimo Grammy na BET