Film zirenga 2100 zigiye kugaragara muri Mashariki Film Festival
Mashariki Film Festival ni iserukiramuco rikomeye rigiye kubera i Kigali guhera ku tariki 25 Ugushyingo 2023 kugeza tariki 01 Ukuboza 2023, ni mu cyumweru cyahariwe cinema bakazaba bafatanya na Mashket isoko ricuruza film zitandukanye muri Africa.
Iri serukiramuco riba buri mwaka abakinyi batandukanye ndetse n'abatunganya film baba bandikisha ama film yabo, mashket ikazabafasha kugurisha no gushaka abakiriya cyangwa abashoramari.
Leonel umuyobozi wa mashket yavuze ko iri serukiramuco ku ikubitiro rizitababirwa n'abagera ku bihumbi bibiri (2000), bazaba baturutse imihanda yose muri Africa ndetse hakazanatumirwa na zimwe muri Televiziyo zitandukanye.
Abazitabira bandika cyangwa bakina film bose bazagira amahirwe yo guhura n'abazaba bagura film zabo ndetse n'izanditse zitari zakinwa, nazo zizagurishwa dore ko hazanatumirwa urubuga rwa Netflix ndetse na YouTube.
Umuyobozi mukuru wa Mashariki, Tresor nawe yavuze ko iri soko rya Mashket rizaba rigiye gutangira ari ubwambere mu Rwanda, akavuga ko ari ibintu byiza kuko nta buryo bwo kugurisha film bwari buhari mu Rwanda.
Ibi kandi bikaba by'ishimiwe n'abatari bake bavuga ko bari basanzwe bazikina bakanazikora bibahenze ariko bakagira igihombo kubera kubura aho bazigurisha.
Tresor kandi akomeza avuga ko iri serukiramuco rizajya riba buri mwaka ndetse ko ku Banyarwanda bazifuza kwitabira kwiyandikisha ari ubuntu mbere y'ibyumweru bibiri no kwandikisha film zabo.
Uyu mwaka hazerekanwa film zitarerekanwa ahandi muri Afurika, ibi bikaba ari umwihariko muri uyu mwaka, muri mashariki film festival hazerekanwa film, ndetse muri mashket zikagurishirizwamo.
What's Your Reaction?
