Element ni umwe mu bahanzi bazitabira ingando za studio yo muri Uganda

Mugisha Robinson Fred uzwi mu muziki nka Element Eleeeh ni umwe mu batumiwe mu biyeguriye umuziki bazagaragara mu ngando zateguwe na studio yo muri Uganda izwi nka African Bureau of Music ‘ABM’ zizitsa ku buhanzi muri Werurwe 2025.

Ayo makuru yahamijwe n’iyo studio aho yaciye ku mbuga nkoranyambaga ivuga ko ishimishijwe no guhishura ko  hari ingando ziswe ‘ABM Music Camp,’ zizahuriza hamwe abahanga mu gutunganya umuziki, abahanzi n’abandi bo mu Karere k’Afurika y’i Burasirazuba no mu Burayi, bazobereye umuziki bazajya basangizanya ubumenyi banahange umuziki utomoye.

Ni ingando ziteganyijwe kuzatangira ku wa 03 Werurwe zizasozwe ku wa 08 Werurwe 2025 zibere kuri African Bureau of Music Hub i Kampala, Uganda.

Abahanzi n’abatunganya indirimbo bamaze gutangazwa ni:

1.   Pia Pounds,
2. Fik Fameica ,
3. Eddy Kenzo, 
4. Karole Kasita , 
5. John Blaq
6.  Winnie Nwagi
7.  Dokta Brain
8. Azawi
9. Raja Music Yo Kooki
10. Joci
11. 14k Bwongo
12. Mike Ouma
13. Sewa Sewa
14. Producer Andre
15. Producer Artin
16. Producer Chemical
17. Stukizzy (wo muri Tanzania)
18. Element Eleeeh (Rwanda)

Element Eleeeh wamaze kubaka izina rikomeye mu gutunganya indirimbo no kuziririmba, yashyizwe mu bazitabira izo ngando mu gihe yatangaje ko agiye gusohora indirimbo Tombe izaza ikurikiye izindi zasohoye mbere zirimo: Kashe na Milele.