Eddy Kenzo yongeye gushyirwa mu bahatanira Grammy Awards
Umuhanzi w’Umunya-Uganda Eddy Kenzo yongeye gushyirwa mu bahatanira ibihembo bya GRAMMY Awards 2026 mu cyiciro cya 'Best African Music Performance' kubera indirimbo ye “Hope and Love” yakoranye n'umuhanzi ukomoka muri Afghanistan, Mehran Martin.
Iyi ikaba inshuro ya kabiri ashyirwa mu bahatanira ibi bihembo, kuko no 2023 binyuze mu ndirimbo "Gimme Love" yakoranye n’umuhanzi w’Umunyamerika Matt B, yari ahatanye.
Eddy Kenzo ni we muhanzi wenyine wo muri Afurika y'Iburasirazuba uhatanye muri ibihembo bifatwa nk'ibya mbere mu ruganda rw'ubuhanzi. Abahanzi benshi bo muri Tanzania bahabwaga amahirwe nka Diamond Platnumz, Marioo, Harmonize na Abigail Chams, bose ntawabashije kwisanga mu bahataniye Grammy 2026.
Icyiciro Eddy Kenzo usanzwe ari na Perezida wa Federasiyo y'abahanzi muri Uganda ahatanyemo, ari kumwe n'abahanzi nka Burna mu ndirimbo ye "Love", Davido mu ndirimbo "With You" ari kumwe na Omah Lay, Ayra Starr mu ndirimbo "Gimme Dat" ari kumwe na Wizkid, ndetse na Tyla mu ndirimbo "Push 2 Start".
Ibirori byo gutanga ibihembo bya GRAMMY Awards 2026 bizaba mu ntangiriro za Gashyantare i Los Angeles, muri Leta Zunze Ubumwe za Amerika.
Eddy Kenzo ni we mu muhanzi umwe rukumbi wo muri Uganda, wabashije kwinjira mu bahatanira Grammy Awards.
What's Your Reaction?
