Chris Brown yakemanze inkongi ikomeje kwibasira Los Angeles
Umuhanzi mu njyana ya R&B, Chris Brown yaciye ku rubuga rwa Instagram avuga ko umuriro ukomeje kuyogoza Los Angeles ufite uwawuteye.
Christopher Maurice Brown wubatse izina mu muziki nka Chris Brown yagiye mu mubare w'abagaruka ku cyatije umurindi umuriro uri gukwirakwira hirya no hino mu duce twa Los Angeles ukaba umaze gutwika inzu z'ibyamamare birimo Ricki Lake, Cameron Mathison, Paris Hilton na Spencer Pratt.
Iyi nkongi iri gutwika itarobanura nk'uko bigaragazwa n'amashusho yashyizwe ku mbuga nkoranyambaga n'abantu batandukanye barimo n'ibyamamare byayifatiye ubwabyo bikayashyira ku mbuga nkoranyambaga, abandi bakayaha ibitangazamakuru bikomeye bikayashyira hanze. Harabarurwa ko abantu barenga ibihumbi 130 bamaze gukurwa mu byabo na yo.
Umuhanzi Chris Brown ntiyumva ukuntu iyo nkongi ikomeje gukaza umurego, atekereza ko hari uyihishe inyuma.
Yagize ati:"Hari umuntu watangije uyu muriro."
Si ubwa mbere abantu batewe n'icyiza bakacyegeka ku bandi. Urugero rwa hafi ni COVID-19. Ni kenshi ku mbuga nkoranyambaga havuzwe ko yaba yarazanywe n'umuntu akayimisha mu bandi.
Mu bikomeje kuvugwa, hari abahamya ko uwo muriro uri i Los Angeles ari inkongi nk'izindi zagiye zibasira ibice by'U Burayi n'Amerika. Ukaba waratewe n'imihindagurikire y'ibihe by'ahantu.
Chris Brown arakeka ko hari umuntu uri guteza uwo muriro
Mu duce dutandukanye twa Los Angeles hibasiwe n'umuriro ugurumana ku gasozi
What's Your Reaction?
