Cardi B yatangaje ko atwite umwana wa gatatu

Hamaze kumenyekana ko Cardi B yamaze gutanga ikirego cyaka gatanya hagati ye n'umugabo we bamaranye imyaka 7, Offset, umuraperikazi Cardi B yahishuriye abakunzi be ko atwite umwana wa gatatu.

Iyo nkuru yuko akuriwe, Belcalis Marlenis Cephus uzwi mu muziki nka Cardi B yayitangaje aciye ku rukuta rwe rwa Instagram, avuga ko iyo ibintu bimwe birangiye, ibindi biba bitangiye.

Yagize ati:"Impera y'ikintu cyose, cyigira intangiriro nshya! Nishimiye kuba ndi kumwe nawe, wanzaniye urukundo, ubuzima, undema agatima unyongerera n'imbaraga."

"Ndagukunda cyane, sinjye uzabona uje ukaba umuhamya w'ibyo watumye ngeraho. Abavandimwe bawe; umuhungu n'umukobwa, banyeretse impamvu ari iby'agaciro kubagira."

Ibi bibaye nyuma yuko igitangazamakuru TMZ gitangaje ko uyu mugore Cardi B yamaze gutanga ikirego cya gatanya hagati ye n'umugabo we, Offset, bamaranye imyaka 7, bakaba barabyaranye abana babiri barimo Kulture na Wave.

Nyuma y'ibyavuzwe ko Cardi na Offset bapfa gucana inyuma, TMZ yanditse ko gucana inyuma atari yo mpamvu yatumye batana, ahubwo ari icyemezo Cardi B yafashe ngo atane na we.

Cardi B yatangaje ko atwite umwana wa gatatu